Ný færsla á
http://www.kvennopian.bloggar.is

ég er alveg farin þangað í bili

smútch
-Hrund

Ég er komin með nýja síðu.. allavega tímabundið.. ætla að prófa það og færi mig bara alveg ef mér finnst það betra

sjáumst þar


http://www.kvennopian.bloggar.is


k.kveðja HrundEr

..sól í heiði skín.. eða það rignir.. öllu heldur! Einmitt - það ER komið sumar!

*sem þýðir að skólinn er alveg að verða búin (eitt prik)
*sem þýðir að það fara víst að koma próf (prikið farið)
*sem þýðir að ég fer samt sem áður að komast í sumarfrí (annað prik)
*sem þýðir að ég er að fara til Ítalíu bráðum (prik)
*sem þýðir að það fer alveg að verða gaman hjá mér (prik)
*sem þýðir að sumarið verður of fljótt að líða (mínus prik)
*sem þýðir að skólinn er í rauninni alveg að byrja aftur (ekkert prik, né missi prik)
*sem þýðir að ég verð að fara að læra ef ég ætla að komast í 2.bekk (-234.345.975 prik)
*sem þýðir að ég hef löglega afsökun f. bloggleysi

típýskt.. skólinn er NÝbyrjaður.. ok, allt í lagi voða gaman.. en það hefur nú verið upp og ofan og svona eins og gengur og gerist.. en um leið og það er BARA gaman. þá klárast hann.. jahá ekkert skal vera auðvelt
Ef ég kemst í 2. bekk (vill einhver sparka FAST í rassg**** á mér þegar þið hittið mig svo ég komi mér í að læææra) þá verð ég loksins með Theu í bekk.. sem btw var að trúlofa sig.. ja verðum saman í bekk þ.e.a.s. ef hún heldur lífi eftir 18. maí þegar hann fer út.. hehh segi svona
veit svo sem ekkert af hverju ég fór að skrifa um skólann.. ekki skemmtilegt viðfangsefni það!

En svona fyrst ég er byrjuð á því þá ætla ég bara að hætta hér því ég ÞARF að mæta hress í leikfimi í fyrramálið.. (hvað er það að láta okkur í leikfimi í fyrsta tíma??????)

jæja.... minnið mig á að stilla vekjaraklukkuna ef ég sef yfir mig..
larí lar

Hrund - eitt stórt klúður
þið skiljið það þegar þið verðið 17

hahaha.. ég er búin að komast að því að ég hef mjööög gaman af því að grúska í gömlu dóti.. sérstaklega myndum. Ég er búin að liggja í gömlu albúmunum þeirra mömmu og pabba eins og ég veit ekki hvað... var að skoða heeeelling af gömlum Kvennó myndum frá mömmu.. Eplakvöldin hafa kannski breyst öörlítið hehe en eitt hefur harla lítið breyst... áhugi kvenkyns nemenda Kvennó á jarðfræðikennaranum Geir Árnasyni a.m.k. ef marka má fjölda mynda af blessuðum manninum.. en hann er á hverju ári kosinn  kynþokkafyllsti kennari Kvennó.. þó er hann orðinn gráhærður og gamall.. undarlegt það..
Mamma og Guðrún og hinar skvísurnar alltaf jafn töff í skíðaferðalögum og vorferðalögum eða einhverjum ferðalögum.. eða að stelast til að taka myndir í tímum af Geir að kenna. Þar sást líka glitta annað slagið í Sævar Hilmars (Sævi Hill) tjahh það virðist vera svo gaman að kenna í kvennó að fólk helst þar svo heilum æviskeiðum skiptir.. enn öðrum láta sér ekki nægja að læra þar, heldur fara svo að kenna þar seinna meir..
það er reyndar ekki skrýtið.. Kvennó is the best.

haha þetta er yndislegt..
Það þyrfti að skanna þessar myndir og sýna á reunioninu þeirra í vor hahaha... Peysufatadagurinn og skíðaferðalögin o.fl. Geir.. hehe


eníveis.. annars er mikið búið að gerast hjá mér.. munnlegt enska, munnlegt danska, kjörbók danska og enska, íslenskuritgerð TÓNLEIKAR í Fíló.. sem á að endurtaka 19. maí f. þá sem misstu af hehe
og síðast en ekki síst þá er ég komin í laaaaangþráð páskafrí.. eiginlega *síðan-jólafríið-endaði*þráð páskafrí.. nei nei það er svo gaman í skólanum these days..
Ég er svo leiðinleg.. mér finnst svo gaman að vera búin með samræmdu og sjá hina vera að fara í þau.. ég hef hlakkað til þessa tímabils í svona u.þ.b. 3 ár


Hrund - vonda ég

p.s. furðulegt hvað fólk virtist alltaf þurfa gleraugu fyrir kinnarnar og ennið líka þarna í gamla daga
skemmtilegar pælingar

þöngulhaus... ég segi það aftur þöngulhaus...

alltaf eru sjálfstæðismenn jafn *argasta* óþolandi... sá einhver Kastljósið í kvöld???... í fyrsta skipti fann ég mig innilega sammála Samfylkingarkonu... Einar Oddur hafði sama og ekkert til síns máls að taka.. hann bara.. (!!ohh!! leiðinda pirrandi náungi.. )var bara "hverjir ekki?? hverjir ekki?? segðu mér - hverjir ekki??" allan tímann.. að svona fólk skuli stjórna landinu.... og ekki er þetta fyrsta dæmið um sjálftstæðismann sem hugsar varla heila hugsun.. t.d. menntamálaráðherra.. (menntamálaráðfrú).. allir upp til hópa á einhverju gífurlegu egó- valdatrippi...  og sjá ekki bjálkann í sínu eigin auga...

daaahh!!

ok, þá hefst annríki mikið í skólanum.. og næst á dagskrá er íslenskuritgerð, munnlegt enskupróf, enskuritgerð, munnlegt dönskupróf og kjörbókarpróf í dönsku... og så videre og så videre...
Málið er bara að ég er í smá vandræðum.. umskrifuefnið í enskuritgerðinni er
'The person I admire the most'
(Hefði verið mun auðveldara hefði hún sett f. 'The person I dislike the most' hehe)
Málið er bara að ég á enga sérstaka manneskju sem ég lít mest upp til.. þeir sem ég lít upp til eru þeir einstaklingar sem eru mér eldri og vitrari.. En fólkið verður að láta sem það sé mér eldra og vitrara.. sumir fullorðnir haga sér bara eins og þeir séu ekki deginum eldri en ég..

Þannig að.. einhverjar hugmyndir??

Hver gæti verið 'The person I admire the most'?????

furðulegt máltæki.. en jæja

jah.. margt uuundarlegt hefur átt sér stað í dag...

aldrei í lííífinu hefði mig grunað að ég, Hrund Erlingsdóttir, ætti eftir að tala bara svona á rólegu nótunum við einn tiltekinn kennara í Kvennaskólanum í Reykjavík... jessöríbob.. lífið tekur stundum skringilegar vinkilbeygjur má eiginlega segja..

ótrúlegt..

og annað -  ég og Harpa vorum í dag að keyra út klósettpappírinn og kaffið úr fjáröfluninni f. Ítalíuferðina.. og okkur datt í hug að ganga í hús og selja restina af kaffinu.. við bönkuðum í sakleysi á dyr á hverju húsinu á fætur öðru, mjög indælt fólk sem við töluðum við (allavega flestir hehe ) en svo förum við upp að einu húsi og bönkum bara.. voða góðar með okkur.. alveg að klára allt kemur ekki bara FELIX BERGSSON til dyra.. það var svolítið fyndið, en hann keypti bara kaffi og við þökkuðum fyrir okkur..

og eitt í viðbót.. ég gerði eitt í dag sem ég hef ekki gert lengi.. ég DATT.. ég og Harpa vorum að hlaupa að bílnum (hann var lagður við hliðina á löggustöðinni hjá Hlemmi) og við bara hlupum og hlupum þar til mér tekst að fella sjálfa mig með minni einstöku hæfni til að gera eitthvað vandræðalegt í kringum fullt af fólki.... alveg típýskt..
fæ mér bara pepsi max í skaðabætur.. (þarf miklar skaðabætur.. er alveg í hönki )
nei nei rosa gaman.. algjör bjáni ég

haha YNDISLEGUR dagur!!! og ekki skemmir að það er föstudagur á morgun woohoo!

gaman gaman þetta

Hrund flippin' potatohead

4 staðir sem ég hef unnið á:

Nóatún Hólagarði - áður en það lokaði

11-11 Drafnarfelli

Austurbær - Annie leikritið

Hrafnista - er að vinna þar núna... bara fínt

4 bíómyndir sem ég get horft á aftur og aftur:

Sound of music

Notebook

Shall we Dance?

Þrek og tár / Hellisbúinn - 2 leikrit sem ég gæti talað fyrir ykkur aftur á bak og áfram


4 staðir sem ég hef búið á:

Vesturberg 74 - þar til ég varð 4 ára

Hamraberg 18 - frá því ég var 4 - 14 ára

Vesturberg 72 - bý þar núna en er VOOONANDI að fara að flytja.. úr Breiðholti vúhúú!!

4 sjónvarpsþættir sem ég má ekki missa af...

Judging Amy

Judging Amy

Judging Amy

Judging Amy


4 staðir sem ég hef heimsótt í fríum

DANMÖRK -  love it.. ætla að flytja þangað

Ítalía

Mallorca

Spánn

4 síður sem ég skoða daglega

www.kvenno.is/innranet 

www.google.com

www.blog.central.is/skiptineminn

www.b2.is


og allar blogsíðurnar í fjölskyldunni


4 matartegundir sem ég held upp á

JÓLAMATURINN!!!

jólamaturinn

jólamaturinn

pizza


4 bækur sem ég hef lesið nýlega:

Ótuktin - saga Önnu Pálínu söngkonu

Myndin af pabba; Saga Thelmu

Mýrin

ooog bara skólabækur

4 strákar sem ég skora á að gera þetta:

opinn dálkur

4 stelpur sem ég skora á að gera þetta:

líka mjööög opinn dálkur


k.kv. Hrund öfga duglega

 mér þykir ekki gaman að liggja undir feldi að hugsa.. finna hina innri mig.. jii hvað ég er andleg!

Jæja í aðra sálma!
í dag er 2. mars sem þýðir að í dag eiga UPPÁHALDS tvíburasysturnar mínar afmæli!
Ég man þennan dag fyrir 25 árum síðan, það var komið að því að mamma skildi fara að eiga, og ekki bara eina systir handa mér heldur tvær.. þvílíkt tilboð two for one! það var ánægð systir sem kítki á litlu gullmolana á fæðingardeildinni.. svo eignaðist vinkona mömmu strák ekki svo löngu seinna. ég kíkti í vögguna og spurði svo "hvar er hitt barnið" þótti ekki mikið tiltökumál að hafa eignast tvær systur í einu.. litlu yndigullin...

Nei annars.. úps það var ekki ég, það var víst Íris systir.. ég kom ekki til sögunnar fyrr en 8 árum seinna.. vand-ræða-legt........
eníveis...
ELSKU EYGLÓ OG ARNA SÆTU SYSTUR MÍNAR TIL HAMINGJU MEÐ DAGINN RÚSLUR! love you guys endalaust!!

og + þið hin sem eigið líka afmæli... Sólborg, Kristín, Elmar Elí og að ógleymdri Ínu í IDOL!  til hamingju allir!!

gaman gaman gaman

Gleðifréttir aldarinnar.. ég er hætt að dreyma sama drauminn 24 nætur eru nóg

hehe og eitt.. eins og ég sagði síðast er ég alveg óendanlega frökk, hugrökk, þorin, yndisleg og frábær í alla staði (og gríðarlega hógvær) þá talaði ég við Erlu Elínu.. og viti menn, hún beit mig ekki, urraði sama og ekki neitt og öskraði ekki á mig!!

Frábært!

Love love
og til hamingju aftur yndisfríða afmælisfólk

            -Avoir

... áhugavert - mig dreymir ennþá alltaf sama drauminn.. það er ekkert spennandi að fara að sofa lengur

Í fjarveru bæjarstjórans býð ég þig hjartanlega velkomna/inn í hugsið mitt...

Ég var að hugsa áðan (surprised??) um gagnrýni.. ég átti ágætis spjall við Evu bekkjarsystur mína í dag í strætó. Við vorum s.s. að tala um gagnrýni..
Ég er ein af þeim sem get ekki tekið gagnrýni.. kann ekki, get ekki og vil ekki taka henni..
En er gangrýni neikvæð eða jákvæð? Er maður með gagnrýni að (eins og orðið gefur til kynna) að rýna í e-ð til gagns eða er þetta bara góð leið til að slá fólk út af laginu?

og - Hvað er það sem gerir mann svo ofsalega hræddan um að gera mistök/e-ð vitlaust fyrir framan aðra að maður gerir ekki eins vel og maður getur??

argasta þetta er ekki sniðugt...

btw, þar sem ég er óendanlega frökk og hugrökk og þorin (ein að peppa sig upp) ætla ég að tala við Erlu Elínu á morgun, ó Guð vertu mér náðugur...
sjitt..

ætla að leggast undir feld í 14 daga og heyri svo í ykkur

Hin Hrund

hehe.. nú er ekki hægt að áfellast mig fyrir bloggleysi. Vegna þess að í hvert skipti sem mér dettur í hug að blogga þá er tölvan mín upptekin, og það vegna þess að foreldrar mínir eru að nota hana. Þau eru nefnilega orðin gagntekin af LOST.
Þau fylgdust ekki með 1. seríu, en ákváðu allt í einu að þetta væri rosa spennandi og eru núna búin að horfa á svona 2-5 þætti á hverju kvöldi, lengi!
En núna fékk ég tækifæri til að góma tölvuna, því þau eru sofnuð sætu sætu..

Ég er að lesa eiginlega það leiðinlegasta sem ég hef nokkurn tíman lesið – skýrslu menntamálaráðuneytisins um styttingu náms til stúdentsprófs (70+ bls. Þakka þér pent) en eitthvað verður maður nú að hafa að segja ef maður ætlar e-ð að taka þátt í mótmælunum.. sé alveg fyrir mér “ og af hverju ert þú eiginlega að mótmæla.” “öhh, af því bara!! ” hehe, þannig ég ætla að kynna mér þetta. Þó það mætti halda að konan (Þorgerður Katrín) hugsi ekki heila hugsun.  Ef ég ætti samræmdaprófsritgerðina mína úr íslenskuprófinu, myndi ég ljósrita hana og senda henni í pósti.. Sú ritgerð er ein af fáu sem ég er virkilega stolt af að hafa gert!

Já og jæja….. ég hef svo sem ósköp lítið annað að segja..
nema hvað að ég er alveg ótrúleg. Ég var að keyra í kvöld sem og svo oft áður, nema hvað að ég þetta skiptið var ég ein, ég ein að keyra í svona klukkutíma þýðir mikið hux. Það er nefnilega það eina sem ég er mjög góð í (fyrir utan það að tala þegar þess er ekki óskað að ég sé að tala). Ég s.s. hugsaði og hugsaði í kvöld, um bókstaflega ALLT!! allt milli himins og jarðar, ég get svo svarið það......
Mér hefur að vísu sjaldan verið svo íþyngt með þankagangi að ég hreinlega kasti upp, en einu sinni er jú allt fyrst, svolítið spes þó...

- Vitiði, ég held að ég sé endanlega að ganga af göflum. Mig dreymir sama drauminn, án afláts, hverja einustu nótt.. aftur og aftur og aftur og aftur og aftur o.s.frv....

alveg FURÐULEGT..


og by the way, ég er ekki tjónlaus lengur, uhuhuu
ég bakkaði á bíl í gær... og vááá hvað mér brá, ég hélt að hjartað ætlaði að hoppa niður í buxur, sjitt...

en jæja, ætla að gera e-ð af viti, því fyrir ykkur sem þekkið mig þá er ekki enn kominn háttatími, því ég er eiginlega þekkt f. að sofa lítið á nóttunni, eða allavega á virkum dögum, því ég sofna iðulega ekki fyrr en svona hálf fimm - fimm..
Enda vill lífsleiknikennarinn minn að ég fari til geðlæknis... ég fer ef hún fer
nei nei... hehe
þar til næst...

sökum smá svefnleysis ákvað ég að setja inn örstutta færslu

klukkan er rúmlega 3 á föstudagskvöldi og ég er s.s. komin heim!

ástæðan er nokkuð einföld.
Ég er að fara að æfa mína annars undurfögru rödd kl. 9 í fyrramálið!.. skemmtilegt það?? öhh nei ég er nefnilega ALGJÖR b-týpa.. fer seint að sofa og vakna seint..

En Margrét nokkur Pálmadóttir er nefnilega eitt stykki óhemjuhress kvenmaður og öfugt við mig alveg upp á sitt besta á morgnana! og það er vitað mál að auðvitað ræður yfirvaldið og æfingarnar eru klukkan 9 - útrætt mál!

jæja þetta stefnir í óásættanlega tilgangslausa bloggfærslu svo ég ætla bara að slútta þessu áður en ég fer að segja eitthvað sem ég sé eftir.. nei nei

ætla aðeins að hvíla raddböndin áður en kerlingarnar öhmm konurnar afsakið.. (fyndið hvað konur taka því alltaf nærri sér ef maður segir kerlingingar.. *höhh - !?!?!?!?!KERLINGAR!?!?!?!?! þær ekki nema rétt rúmlega fertugar/fimmtugar... algjörar skvísípæjur ... ahhahaha* ) jæja áður en þær, skulum við bara segja, fá að njóta þeirra í fyrramálið

pís át

Takk fyrir kveðjuna á blogginu hennar mömmu Guðrún.. þ.e.a.s. ef þú lest þetta hehe Sá Kristínu í gær í Smáralind.. fyndið það

en jæja..
ég er orðin gömul.. ég kom heim á undan mömmu og pabba sl. föstudagskvöld hehe..

Margt og mis skemmtilegt hefur drifið á daga mína undanfarið. Kaupsýkin algjörlega gengin yfir, enda ekkert afspyrnu magn af peningum eftir í pyngjunni, en þetta var gaman
Ég var alveg komin í blogg-gírinn áðan, alveg búin að ákveða hvað ég ætlaði að skrifa, en nei.. ég get ekki með nokkru móti munað hvað var svona merkilegt sem ég ætlaði að segja..

allavega..
Hvað er málið með mig og drauma???? mig dreymdi ekki fyrir svo löngu síðan, sama drauminn margar, margar nætur í röð, og svo dreymdi mig það sama aftur í nótt.. ég ætti kannski að leita til geðlæknis eftir allt saman.. Því hún Raggý okkar elskulega vildi endilega fá mig til eins.

___

Ég var að pæla í að skipta um 3. tungumál.. fá að fara í frönsku í staðinn fyrir þýsku.. þar til mér var tjáð að ég þyrfti að ræða það við Erlu Elínu aðstoðarskólameistara.. það er nú hægara sagt en gert, því blessuð konan þolir ekki 1. bekkinga.. gúlp hvað gera bændur þá.. á maður að hanga í 3 ár í þýsku, eða bíta á jaxlinn og horfast í augu við "vandann"...  Stay strong (ég skil hana reyndar ekki, eins og við erum alveg yndisleg)


jæja.. ég er algjörlega komin út fyrir efnisskránna..
Hrund hunangsbangsi - jejeje

 ..... ég er mjööög illa haldin af *nenni-engan-veginn-að-læra-fyrir-söguprófið-á-morgun-langar-bara-að-leggjast-upp-í-rúm-og-klára-að-lesa-í-Én,to,tre;NU-eða-klára-Ótuktina-eftir-Önnu-Pálínu* veiki!
alveg svakalegt...


Ég er semsagt alveg fársjúk! Ég gæti verið búin að lesa heilan helling, en Thean mín einasta eina kom á msn rétt í þann mund er ég var að fara að skrá mig út og vitaskuld tímdi ég þá ekki að fara, og við töluðum heillengi saman, alltaf gaman að heyra í henni stúlkunni!

En það er ein/einn/eitt sem pirrar mig mjög mikið en það skal ekki tíundað hér, því einn pirraður gerir annan pirraðan og þeir gera tvo aðra pirraða og þeir fjórir saman gera aðra fjóra pirraða og svo koll af kolli, svo ég ætla bara að sleppa því hér

Ég er ekki bara með króníska tungumálafeimni og *nenni-engan-veginn-að-læra-fyrir-söguprófið-á-morgun-langar-bara-að-leggjast-upp-í-rúm-og-klára-að-lesa-í-Én,to,tre;NU-eða-klára-Ótuktina-eftir-Önnu-Pálínu* veiki! heldur er ég líka með kaupsýki...
eftir að ég fór að versla mér föt sl. sunnudag, þá hef ég vart hugsað um annað en hvað ég hlakka til að versla meira um helgina með Eygló systur og Sonju úr vinnunni og svo kannski Hörpu ef til vill..
að hugsa sér, - ÉG að versla haha, það telst svo gott sem saga til næsta bæjar get ég sagt ykkur.


En ég ætlaði svo sem bara að borðleggja þá staðreynd að ég er á lífi, fyrir ykkur sem voruð í vafa um það

Until next

"At rejse - þá ertu búin að pakka niður í koffort og ert á leiðinni í langferð (kannski búin að pakka doðrantinum með? hver veit.)" - A.L.

Ég hef alltaf haft mjög gaman að dönsku... eiginlega meira gaman en eðlilegt er talið..
Þar til í fyrradag!

Skal vi snakke sammen,
Klar Parat,  
Vi ses,
Glimrende,
Superdansk =
allt þetta fyrir ekki neitt!

Ég meina, ég hef alltaf talið mig tala jú alveg ágætis dönsku. Kannski enga framúrskarandi, en ég get bjargað mér má eiginlega segja..

Sú kenning mín fauk út í veður og vind á mánudaginn sl. í dönskutíma hjá frú Auði Leifs. Hahaha hafi ég einhverntímann haldið að ég kunni dönsku maður.. ég er nefnilega haldin krónískri tungumálafeimni. Hvort sem ég á að lesa í ensku hjá Þórey eða dönsku hjá Auði þá virðast orðin annað hvort ekki gefa sig fram inni í höfðinu á mér, eða hikstast út í vitlausri röð eða eins og ég hafi fengið mér kartöflustöppu og ekki tekist að kyngja henni almennilega... hræðilegt alveg...
Guð má vita hvað hann var að gera þegar hann bjó til dönsku.. kannski er svona ofsalega fyndið að horfa á mig ofanfrá rembast eins og rjúpa við staur að stama útlenskum orðum út úr mér, sé hann alveg fyrir mér með popp og kók og skjávarpa að fylgjast með mér
jæja gott að geta skemmt allavega einhverjum

 


jæja..
Jeg må godt gå og lave mine lektier....

farvel